About & Contact

About

Dawei ထား၀ယ်

ထားဝယ်မြို့သည် တနင်္သာရီတိုင်း၏မြို့တော်ဖြစ်ကာ အလွန်ထူးခြားလှပသော သဘာဝဝန်းကျင်နှင့် ရှည်လျားသော ပင်လယ်ကမ်းခြေတို့ကြောင့် အထူးထင်ရှားပါသည်။ ထားဝယ်မြို့သည် အလွန်ရှေးကျသော မြို့တော်ဖြစ်ကာ ကိုယ်ပိုင်ဘာသာစကား၊ ယဥ်ကျေးမှု၊ ထုံးတမ်းစဥ်လာတို့ ကြွယ်ဝသော ဒေသဖြစ်ပါသည်။ အနုပညာရှင်များစွာထွန်းကား၍ အသိပညာကိုအားပေးသော မြို့ဖြစ်ပါသည်။ ထားဝယ်မြို့လူထုအမှတ်သညာပွဲတော်ကို ၂၀၁၉၊ နိုဝင်ဘာတွင် ကျင်းပခဲ့၍ ပထမဆုံး ကွင်းပြင်တွင်ကျင်းပသော ပွဲတော်ဖြစ်ပါသည်။ ထားဝယ်မြို့ သမိုင်းဆိုင်ရာဓာတ်ပုံများသာမက ပျောက်ကွယ်လုယဥ်ကျေးမှုများကိုလည်း ပြန်လည်တင်ပြနိုင်ခဲ့ပါသည်။

လူထုအမှတ်သညာပွဲတော်

လူထုအမှတ်သညာပွဲတော်သည် ဒေသတွင်း လူမှုအဖွဲ့အစည်းတစ်ခုပြောင်းလဲလာပုံကို လူထုကြားက သမိုင်းအဖြစ် ချဉ်းကပ်လေ့လာကာ ဓာတ်ပုံမှတ်တမ်းများ အနုပညာပစ္စည်းများဖြင့် ပြပွဲအဖြစ် ခင်းကျင်းပြသရန် ရည်ရွယ်ခြင်းဖြစ်ပါသည်။ ထိုပြပွဲများမှတဆင့် မတူညီသောမျိုးဆက်များက မိမိဒေသပြောင်းလဲဖြစ်ထွန်းလာမှုများကို အတူတကွ လေ့လာကြည့်ရှုရန်ဖြစ်ပါသည်။

ဓါတ်ပုံ၊ ပန်းချီ၊ မော်ကွန်း ဗီဒီယို၊ ကဗျာ၊ စာပေတို့ဖြင့်ပေါင်းစပ်ခင်းကျင်းကာ လူကြီးလူငယ်မျိုးဆက်တို့ကြားမှ ကွာဟချက်များကို နားလည်တက်စေရန် မတူညီသော အဖွဲ့အစည်းများ ပေါင်းစပ်ထားသောလူမှုအဖွဲ့အစည်းဖြစ်ကြောင်း ခံစားတတ်စေရန် စေ့စပ်စာနာတတ်သော မျက်လုံးများဖြင့် လူမှုဘဝတို့ကို ကြည့်မြင်စေရန် ခင်းကျင်းသော အနုပညာနှင့် အမှတ်သညာပွဲတော်ဖြစ်ပါသည်။

ကျွန်တော်တို့ဟာ
သမိုင်းကိုမျက်နှာချင်းမဆိုင်ရဲ
ရှောင်လွှဲဖုံးကွယ်နေလို့မရပါဘူး

သမိုင်းရဲ့သင်ခန်းစာကို
ယာညက်သလိုကြေညက်မှ
အနာဂါတ်ခရီးကို
ဖြောင့်ဖြောင့်သွားလို့ရပါမယ်

ဒါကြောင့်အတိတ်သမိုင်းဆိုတာ
အနာဂတ်ကိုသွားရာ
အဝင်တံခါးဝဖြစ်တယ်လို့ယုံကြည်ပါတယ်

ဒါကြောင့်ကျွန်တော့်ရဲ့
Open History Project
လူထုအမှတ်သညာပွဲတော်ကို
ကျင်းပပြုလုပ်ခြင်းဖြစ်ပါတယ်


လူထုအမှတ်သညာပွဲတော် (ထား၀ယ်မြို့)

လူထုအမှတ်သညာပွဲတော် (ထား၀ယ်မြို့) တွင်ပြသ ရန် ဓာတ်ပုံများအား အမျိုးအစား (၃) မျိုးခွဲ၍

People – လူပုဂ္ဂိုလ်များ
(လူကို အဓိကထား၍ ရိုက်ကူးထားသောပုံ)
Cityscapes – မြို့ပြ၀န်းကျင်များ
(ရှုမြင်ကွင်းကို အဓိကထား၍ ရိုက်ကူးထားသောပုံ)
Documents – မှတ်တမ်းမှတ်ရာများ
(ပို့စ်ကတ်ပုံ) ကို ပြသထားမည်သည်။


Contact

Find us in Yangon

286(1st Floor) Pansodan,
Yangon
Myanmar

Send Us a Message